Ankèt

« Yo lèd lèd lèd. Dèyè yo zo. Yo sanble rat ki tonbe nan dlo cho, ki deplimen. Lè 2 bò tèt yo kale wòz nèt menm, yo se zòbòy. Lè konsa m pa ka wè yo nèt. » Sa se pawòl Danielson Jean, yon jenn gason k ap viv Kanaran, yon katye sou komin Kwadèboukè. Jenn gason sa fè pati moun ki pran plezi nan itilize eslogan ki fèt pou demounize fanm. Li pa nan kache men voye wòch. « Lè fanm yo fè alagasòn, yo mèg, yo abiye yon jan, mwen konn di yo zorat », se pawòl gran itilizatè eslogan seksis sila a rapòte nou ak fyète.